Söngvaborg 6 - mamma borgar

Mamma borgar

Á kaupmanninn rétt við búðarborðið

svo brosfögur horfði Stína:

“Ég ætlaði bara að kaupa klæði

í kjól á brúðuna mína.”

“Og hvaða lit viltu, ljúfan,” sagði´ann

“í kjól á brúðuna þína?”

“Hvað, auðvitað rauðan, já ósköp rauðan”

með ákafa svaraði Stína.

Hann brosandi fór og klippti klæðið.

“Hvað kostar það?” spurði Stína.

“Einn koss” hann svaraði, “kostar klæðið

í kjól á brúðuna þína.”

Í búðinni glumdi við gleðihlátur,

er glaðlega svaraði Stína:

“Hún mamma kemur í bæinn bráðum

og borgar skuldina mína.”